മോദി പ്രതീക്ഷയിൽ ഓഹരി വിപണി കുതിക്കുന്നു

മുംബൈ: ലോക്സഭാ തെരഞ്ഞെടുപ്പിൽ ബിജെപി നേതൃത്വം നൽകുന്ന എൻഡിഎ വീണ്ടും അധികാരത്തിൽ എത്തുമെന്ന എക്സിറ്റ് പോള്‍ പ്രവചനങ്ങള്‍ക്ക് പിന്നാലെ കുതിച്ച് കയറി ഓഹരി വിപണി. 38,701.18 ൽ വ്യാപാരം തുടങ്ങിയ ബിഎസ്ഇ സെൻസെക്സ് 763.61 പോയിൻ്റ് ലാഭത്തോടെ നിലവിൽ 38,694.38 ൽ വ്യാപാരം തുടരുകയാണ്. വിൽപ്പന ആരംഭിച്ചപ്പോള്‍ 38,892.89 ആയി ഉയരുകയും 38,570.04 വരെ കുറയുകയും ചെയ്തു.

അതേസമയം നാഷണൽ സ്റ്റോക്ക് എക്സ്ചേഞ്ചിൻ്റെ സൂചികയായ നിഫ്റ്റി നിലവിൽ 271  പോയിൻ്റ് ലാഭത്തോടെ 11,679 ലാണ് വ്യാപാരം പുരോഗമിക്കുന്നത്.